منتديات البيضا الثانوية التعليمية

أهلاً بك زائرنا الكريم
نرجو أن تكون في أتم صحة وأسعد حال
يشرفنا دخولك
وتسعدنا زيارتك
إذا كنت عضواً تفضل بالدخول
وإذا كنت زائراً ولم تسجل , فتفضل بالتسجيل
وفي انتظار مساهماتك الرائعة ومواضيعك المبدعة

منتديات البيضا الثانوية التعليمية

أهلا بكم في منتديات البيضا الثانوية التعليمية .. أهلاً بكل ما هو جديد .. أهلاً بالإبداع
 
الرئيسيةالبوابةس .و .جبحـثالتسجيلدخول

أنت في منتديات البيضا الثانوية التعليمية .. إذن أنت متميز  , وشخْصيَّةٌ مبْدعة .. نحن هنا أسرة واحدة ..نعملُ معا من أجْل مستقبلٍ واعد .. نثِقُ في أنفسنا ونقدِّرُ الآخرين                                  رؤية مدرسة البيضا الثانوية المشتركة :                            بناء شخصية عصرية متكاملة , تلتزم بقيم الدين والمجتمع , وتتفاعل مع مستجدات العصر .               رسالة المدرسة: تسعي مدرسة البيضا الثانوية المشتركة إلي تقديم تعليم متميز عالي الجودة من خلال   :    * تزويد طلابها بمهارات ومعارف وقيم الحياة  العصرية.                     * تفعيل دور التكنولوجيا في العملية التعليمية.              * تشجيع الطلاب علي التعلم الذاتي , وممارسة الأنشطة الصفية  واللاصفية.                 *إشراك الطالب في اتخاذ بعض القرارات الخاصة بالعملية التعليمية.        * اكتشاف الموهوبين والفائقين وتنمية قدراتهم علي الابتكار.        * قيادة مدرسية واعية ومتطورة.      * تنمية مهنية مستدامة للمعلم .       *  تنمية الجوانب الإجتماعية بين العاملين بالمدرسة.            * مشاركة مجتمعية فعالة لتطوير أداء المدرسة 

 


شاطر | 
 

 عقبال عندكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فهمي إبراهيم
------------------
------------------
avatar


مُساهمةموضوع: عقبال عندكم   الأحد 01 مايو 2011, 2:25 am


[ندعوك للتسجيل في المنتدى أو التعريف بنفسك لمعاينة هذا الرابط]



عقبال عندكم
ويارب كل اللي لسة ماأتجوزش يتجوز
حتي لو ماعندهوش شقة
ولا ليه وظيفة تأكـَّـله عيش
وانشالله حتي يكون مش لاقي قوت يومه
وقرب يموت من الجوع

المهم يكون حرك ومتفائل
وعنده شوية حاجات زي الحرية والإشتراكية
والديموقراطية والشفافية والوحدة
ودي هي اللي ممكن تؤهله انه يخش السجن
أقصد عش الزوجية

ويارب كل الناس تفرح
زي ما الإنجليز فرحانين وسعداء
بزواج الأمير وليام وكيت ميدلتون
إللي بعد الزواج حاتبقي دوقة كمبريدج
ووليامز أيضا حايبقي دوق كمبردج
وأنا حانبقي دوق المر

وبحسب الإنجليز
كل واحد يحاسب عا المشروب بتاعة
فانت حر
تشرب قهوة تشرب مر
تشرب من كيعانك
تشرب مقلب

المهم تدفع الحساب

ولأننا دائما ما نحتاج إلي أن نفرح
حتي لو لفرح غيرنا
ودي صفة كويسه علي ما أعتقد
ولذلك أصدرت الأسرة فرمانا
يدعو إلي الفرجة علي فرح الأمير وليام وكيت



أما إللي كان حازز في نفسي
إن أنا ما سمعتش ولا زغروطة تفرحهم
خاصة وإن الأمير كان شكله مخضوض

وده إللي بصراحة عايز حد يجاوبني عليه
ليه كله مخضوض اليومين دول ؟؟!!

أعتقد ياجماعة بل أكيد
إن الأميرة ديانا قبل ما تموت
نكشت شعرها وغطت بيه وشها
وقعدت تدعي لوليام ابنها ساعة المغربية
بأن ربنا يفرَّج عليه خلقه
و زي ما بيقولوا ديانا كانت طيبة وبنت حلال



عشان كده ربنا استجاب لدعاها
ووليام إتفرج عليه سكان الكرة الأرضية كلها
أما كيت ميدلتون حاتكون أسعد واحدة
لأنها مش حتتعامل مع حما

ومع الفارق بين حما والأخري
إلا إنهن في النهاية حموات
ونحن في النهاية بشر
وإن اختلفت اللغات والبشرات
وعشان كده الجماعة سابوا اللي وراهم
وسابوا اللي قدامهم وأجـِّلوا الغدا
* ياجماعة الغدا
ولا حد بيرد
* ياجماعة ياللي هنا الغدا
ولا حد بيرد

* ياناس ياللي في البيت الغدا
** استني بس لما نشوف الفرح
* ياجماعة جعنا اعملوا لنا الغدا
** لو مش عاجبك ابعت هات أكل جاهز
* يعني انتوا تتفرجوا علي الفرح
وانا أستلف آخر الشهر



وقعدوا يتابعوا حفل الزفاف
ومش حاقولك علي التعليقات اللي بتتقال
لأن كل واحد منكم سيد العارفين
قعدوا يتكلموا عن العربية الحنطور

يعني هو مش قادر يجيب له عربية ملاكي
تكون أمريكاني أوياباني آخر موديل
دي العربية الحنطور اللي علي البحر أشيك منها
طيب كانوا يقولوا
وكنا بعتنا لهم كام عربية حنطور
من بتاعة السياحة
إللي من أول الثورة وهي واقفة
وكنا عملناها لهم نقطة وأهي تبقي جـِميلة
حاكم احنا جدعان قوي
ونعرف الواجب والأصول
- ياستي هما جم في عربية رولزرويس
وبعدين نزلوا منها وركبوا العربية الحنطور
هو ده النظام الإنجليزي بتاعهم


- نظام إيه ياأخويا
ده باين البنزين خلص من التنك بتاع العربية
عشان مش مفولين العربية كويس
لان البنزين بقي غالي اليومين دول
وكل ده عشان المشاكل إللي في ليبيا
- والا البوفيه والتورتة
ياتري التورتته بتاعته والا تورتة أمه !!

لكن اللي لافت نظري في هذا الحفل
هو عدد الخيول السودا



* أيوه صحيح !
إيه الحِصِنة – الخيول - السودة دي كلها
كل دي حصنة سودة ؟!! معقولة !!
انفجرت ضاحكا حتي كاد قلبي أن يتوقف
أكثر ماهو واقف خلقة
**- أمال يعني حمير و صابغينها
ولا تكونش حمير وصابغينها

*بس دي حصنة سودة كتير قوي
** ياستي هم مبسوطين
إن عندهم حصنة سودة وبيضا وبني كتير
لكن إحنا عندنا حمير أكتر
وعلي كل لون
ومش مصبوغة
لكن طبيعي وحياتك

والله أنا خايف يا جدعان ومتردد
لا يكونوا خدوا شوية حمير وصبغوهم
* لا لا .. دي ما تحصلش من الإنجليز أبدا

يادي الفضايح ياجدعان
هوه فيه ناس عندنا كانت بتعمل الحكاية دي
أكيد ربنا تاب عليهم من زمان
وبقوا فلة شمعة منورة
بس الخوف يا جدعان انه في هذا الأوان
يكون فية ناس بدل ما يصبغوا الحمير
بقوا بيصبغوا البني أدمين
وناس تانيين
بقوا يصبغوا ضمايرهم وذمتهم ويلمعوها
زي لاموآخذة ...

** بلاش نعيب في حد وخلونا نتفرج بقي

***
وعلي راي الجماعة ناس فرحانة لزواج الأمير
وناس فرحانة بحبس الورور وأبوه الكبير
ولله في خلقه شئون

كان الحفل يبعث علي البهجة
الناس شكلها نضيف وكأنها لسه مستحمية
يشبهوا لناس أعرفهم
وماسكين أعلام بلدهم
اثنان مليار بيتفرجوا علي زواج أمير وأميرة
واحنا لسه بنتفرجوا علي فرح اللمبي
إللي مراته بقت حماة دلوقتي
واللي في حفلة زفافه هو وعروسته
كان بيشد الجوزة
وإحنا بنشد في شعرنا

إيه ياجدعان
هو انتم كدا تحبوا تقلبوا كل حاجة الي نكد
وتنشنوا علي الكلوبات بمزاج واحترافية شديدة
ياجماعة إفرحوا
بطلوا هواية التنشين علي الكلوبات

حاولوا تفرحوا الفرح بيعْدي
ويْعَدِّي بسرعة
- بيعْـدي من العدوي .. ويْعَدِّي يعني يمر
مشتقة من المرور
إيه إللي جاب سيرة المرور دلوقتي

مش باقولكم احنا مواهب في ضرب الكلوبات
قصدي في التنشين علي الكلوبات
نشنتوا علي إيه ياللي في بالي ؟!!!

وعلي رأي فضة المداوي
وله حمووووووو إضرب الكلوبات يالــــه



الرجوع الى أعلى الصفحة اذهب الى الأسفل
هادى شعبان

avatar


مُساهمةموضوع: رد: عقبال عندكم   الأحد 01 مايو 2011, 11:05 am

ايه اللى جاب الامير ويليام وكيت ميدلتون هنا هما عملو الفرح فى البيضا واحنا منعرفش وبعدين خليهم يتهنو زى ميمو وجيمى ولولو وسوزى متهنين فى برتو ابو عجوه قصدى بورتو طره
الرجوع الى أعلى الصفحة اذهب الى الأسفل
فهمي إبراهيم
------------------
------------------
avatar


مُساهمةموضوع: رد: عقبال عندكم   الثلاثاء 03 مايو 2011, 3:01 am

هادى شعبان كتب:
ايه اللى جاب الامير ويليام وكيت ميدلتون هنا هما عملو الفرح فى البيضا واحنا منعرفش وبعدين خليهم يتهنو زى ميمو وجيمى ولولو وسوزى متهنين فى برتو ابو عجوه قصدى بورتو طره

لا يا هاني
أصلهم لما مالقوش مسرح مناسب في البيضا
فراحوا عاملينه في لندن

بس إللي مزعل الواحد
إن الفرح ماكنش فيه زغاريد ولا صاجات
ولا فرقة عوالم
إوعوا تقولي عشان حابسينهم في بورتوطوره



الرجوع الى أعلى الصفحة اذهب الى الأسفل
titoelstohy

avatar


مُساهمةموضوع: رد: عقبال عندكم   الإثنين 23 مايو 2011, 1:19 pm

الف مبروك للعروسين
زمانهم دلوقتى خلفوا دستة ولاد
يا عيني عليك يا تيتو لسة قدامك سنين وتتجوز
الرجوع الى أعلى الصفحة اذهب الى الأسفل
ahmed elstohy

avatar


مُساهمةموضوع: رد: عقبال عندكم   الخميس 30 يونيو 2011, 9:43 pm

المعلم شيكو واسرته بيدحرجوا التماسى على احلى عروسين
وبنهنى من قلبنا الاسطى ويليام الى زمانه ولعها ان شاء الله
يا بختك يا ويليام وياعينى عليا انا
Very Happy
اوعدنا يارب
الرجوع الى أعلى الصفحة اذهب الى الأسفل
 
عقبال عندكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البيضا الثانوية التعليمية :: المنتديات العامة :: منتدي المعلومات والطرائف-
انتقل الى: